फेरी बढ्यो पेट्रोल र डिजेलको मूल्य, पेट्रोल प्रतिलिटर १ सय १० रूपैयाँ पुग्यो

३ जेठ, काठमाडौं । नेपाल आयल निगमले पेट्रोल, डिजेल र मट्टितेलमा प्रति लिटर दुई ÷दुई रुपैयाँ मूल्य वृद्धि गरेको छ ।
निगमको सञ्चालक समितिको बैठकले बुधवार राति १२ बजेदेखि लागुहुनेगरी मूल्य बढाएको हो ।

यो सँगै अबदेखि पेट्रोलको भाउ प्रतिलिटर एक सय १० रुपैयाँ र डिजेल र मेट्टितेलको भाउ ९२ रुपैयाँ प्रति लिटर पुगेको छ । अन्तराष्ट्रिय बजारमा मूल्यवृद्धि भएसँगै स्वचालित मूल्य प्रणाली अनुसार मूल्यवृद्धि गरिएको निगमको दाबी छ । निगमका अनुसार मूल्य समायोजनपछि पनि निगमलार्इ पेट्रोलमा लिटरमा ७२ पैसा र डिजलमा २ रुपैयाँ २९ पैसा घाटा छ । निगमले मूल्य बढाएपछि पनि नाफा शुन्य रहेको निगमको भनाई छ । अन्तराष्ट्रिय बजारमा कच्चतेलको भाउ ७८ डलर पुगेको छ ।