सुन तस्करीका आरोपीलाई पेस गर्न आदेश छापाबाट

काठमाडौँ, ८ जेठ- सुन तस्करीको आरोपमा जिल्ला अदालत काठमाडौंको आदेशअनुसार थुना रहेका बन्दीलाई उपस्थित गराउन उच्च अदालत पाटनले आदेश दिएको छ । उच्च अदालतका न्यायाधीशद्वय प्रेमराज ढकाल र हेमराज पन्तको संयुक्त इजलासले सुन तस्करका आरोपी कुन्साङ लामालाई अदालतमा उपस्थित गराउन आदेश दिएको हो ।

चीनको केरुङबाट रसुवागढी हुँदै काठमाडौं भित्र्याएको सुन कसको थियो भन्ने अनुुसन्धानकै क्रममा छ । चीनको केरुङबाट रसुवागढी हुँदै जिप ल्याइएको सुन आफ्नो नभएको लामाले बयान दिएका थिए, नयाँ पत्रिका दैनिकले खबर छापेको छ ।